სსიპ ახალგაზრდობის სააგენტო ყოველწლიურად ახორციელებს ახალგაზრდულ საზაფხულო ბანაკებს სოფელ ანაკლიასა და შაორის წყალსაცავის მიმდებარე ტერიტორიაზე, მათ შორის აფხაზეთსა და ცხინვალის რეგიონებში მცხოვრები ახალგაზრდებისთვის.

ბანაკებში მოხვედრისთვის სპეციალური კვოტები განკუთვნილია მათ შორის აფხაზეთის ა/რ მთავრობისა და ყოფილი სამხრეთ ოსეთის ადმინისტრაციის  მიერ ნომინირებული პირებისთვის.

გარდა ამისა, სსიპ ახალგაზრდობის სააგენტო ყოველწლიურად აცხადებს ახალგაზრდული ორგანიზაციების გაძლიერების მიმართულებით საგრანტო კონკურსს.

2024 წელს გამოცხადებულ კონკურსში პირველ პრიორიტეტს "მშვიდობის მშენებლობა და კულტურათაშორისი დიალოგი, მათ შორის, ეთნიკური უმცირესობების ინტეგრაცია" წარმოადგენდა.

2024 წლის ყოველი თვის 13-25 თარიღების პერიოდში იხსნება განაცხადების მიღება რეგიონული ახალგაზრდული ინიციატივების მხარდასაჭერად, რომელშიც პრიორიტეტი ენიჭებათ იმ ორგანიზაციების განაცხადებს, რომლებიც წარმოადგენენ აფხაზეთისა და ცხინვალის რეგიონებს და ქმნიან ამ ტერიტორიაზე მცხოვრები ახალგაზრდებისთვის სერვისებს/შესაძლებლობებს.

სსიპ ახალგაზრდობის სააგენტო მთელი წლის მანძილზე ასევე ახორციელებს "ახალგაზრდული ღონისძიებების ხელშეწყობის პროგრამას", რომლის ფარგლებშიც 

დაგეგმილ და განხორციელებულ აქტივობებში მონაწილეობის მიღება შეუძლიათ აფხაზეთისა და ცხინვალის რეგიონებში მცხოვრებ ახალგაზრდებს.

დამატებითი ინფორმაციისთვის იხილეთ:

- https://youthagency.gov.ge/

საკონტაქტო ინფორმაცია:

სსიპ ახალგაზრდობის სააგენტო:  032 230 51 65; ელ. ფოსტა: info@youthagency.gov.ge